Our Story

ഇക്‌ബാൽ പൂജ

Managing Director

A Note From The Managing Director

പ്രിയപ്പെട്ട ഉപഭോക്താക്കൾക്കും അഭ്യുദയകാംക്ഷികൾക്കും,

ഹൃദയത്തിന്റെ ആഴങ്ങളിൽ നിന്നുള്ള നന്ദി. മൂന്ന് പതിറ്റാണ്ടുകൾ... വിശ്വാസത്തിന്റെയും ആത്മാർത്ഥതയുടെയും ഒരിക്കലും മാഞ്ഞുപോകാത്ത ബന്ധത്തിന്റെയും മനോഹരമായ ഒരു യാത്ര. ഇന്ന് പൂജ ഗ്രൂപ്പ് അഭിമാനത്തോടെ 30 വർഷങ്ങളുടെ വിജയകരമായ സേവനയാത്ര പൂർത്തിയാക്കുമ്പോൾ, ഈ നേട്ടം ഞങ്ങളുടേത് മാത്രമല്ല; ഞങ്ങളെ വിശ്വസിച്ച ഓരോ ഉപഭോക്താവിന്റെയും, എല്ലാ അഭ്യുദയകാംക്ഷികളുടെയും, ഞങ്ങളുടെ ജീവനക്കാരുടെയും, സഹപ്രവർത്തകരുടെയും, വ്യാപാര പങ്കാളികളുടെയും സ്നേഹത്തിന്റെയും പിന്തുണയുടെയും ഫലമാണ്.

1996-ൽ ഒരു ചെറിയ സ്വപ്നമായി ആരംഭിച്ച പൂജ ഗ്രൂപ്പ് ഇന്ന് ആയിരക്കണക്കിന് കുടുംബങ്ങളുടെ വിശ്വാസമായി വളർന്നിട്ടുണ്ടെങ്കിൽ, അതിന്റെ പിന്നിൽ നിങ്ങളുടെ അകമഴിഞ്ഞ പ്രോത്സാഹനവും അനുഗ്രഹവും തന്നെയാണ്. ഓരോ ആഘോഷത്തിലും, ഓരോ സന്തോഷ നിമിഷങ്ങളിലും, നിങ്ങളുടെ ജീവിതത്തിന്റെ ഭാഗമാകാൻ ഞങ്ങൾക്ക് ലഭിച്ച അവസരം ഞങ്ങൾ ഏറ്റവും വലിയ അംഗീകാരമായി കാണുന്നു. ഗുണനിലവാരം, വിശ്വാസ്യത, ന്യായവില, മികച്ച സേവനം എന്നീ മൂല്യങ്ങൾ എന്നും ഉയർത്തിപ്പിടിച്ചുകൊണ്ട് മുന്നോട്ട് പോകുമെന്ന ഞങ്ങളുടെ പ്രതിജ്ഞ ഈ അവസരത്തിൽ വീണ്ടും ആവർത്തിക്കുന്നു. മാറുന്ന കാലത്തിനനുസരിച്ച് പുതുമകൾ ഉൾക്കൊണ്ടാലും, ഉപഭോക്താക്കളോടുള്ള ആത്മാർത്ഥതയും വിശ്വാസവും എന്നും ഞങ്ങളുടെ ഏറ്റവും വലിയ ശക്തിയായിരിക്കും.

ഈ 30 വർഷത്തെ യാത്രയിൽ ഞങ്ങളോടൊപ്പം നിന്ന എല്ലാ ഉപഭോക്താക്കൾക്കും, സുഹൃത്തുകൾക്കും, അഭ്യുദയകാംക്ഷികൾക്കും, ജീവനക്കാർക്കും, വിതരണക്കാർക്കും, വ്യാപാര പങ്കാളികൾക്കും ഹൃദയം നിറഞ്ഞ നന്ദി അറിയിക്കുന്നു.

നിങ്ങളുടെ വിശ്വാസവും സ്നേഹവും തന്നെയാണ് ഞങ്ങളുടെ പ്രചോദനം.

ഇനിയും ഒരുപാട് വർഷങ്ങൾ മികച്ച സേവനവും പുതിയ അനുഭവങ്ങളും നിങ്ങളിലേക്ക് എത്തിക്കാനാകട്ടെ എന്ന ആത്മവിശ്വാസത്തോടെ, നിങ്ങളുടെ അനുഗ്രഹവും പിന്തുണയും തുടർന്നും ഞങ്ങളോടൊപ്പം ഉണ്ടാകുമെന്ന് പ്രതീക്ഷിക്കുന്നു.